KISWAHILI
ENGLISH
JAMHURI YA MUUNGANO WA TANZANIA
OFISI YA RAIS – SEKRETARIETI YA MAADILI YA VIONGOZI WA UMMA
Waziri wa Nchi Ofisi ya Waziri Mkuu (Sera, Bunge na Uratibu) Mhe. William Lukuvi akifuatilia maelezo yanayotolewa na Katibu Msaidizi, Ofisi ya Rais Sekretarieti ya Maadili ya Viongozi wa Umma Kanda ya kati Bi. Jasmin Awadhi kuhusu Maadili kwa viongozi wa umma. Tukio hilo lilitokea tarehe 26 Juni, 2025 wakati Waziri Lukuvi akizindua Bodi ya wadhamini ya mfuko wa udhamini wa kudhibiti UKIMWI ofisini kwake jijini Dodoma.
Wajumbe wa Bodi ya wadhamini ya mfuko wa udhamini wa kudhibiti UKIMWI wakitoa Ahadi ya Uadilifu mbele ya Katibu Msaidizi, Ofisi ya Rais Sekretarieti ya Maadili ya Viongozi wa Umma Kanda ya kati Bi. Jasmin Awadhi (Hayupo pichani) wakati wa hafla ya uzinduzi wa Bodi hiyo iliyofanyika Ofisi ya Waziri Mkuu (Sera, Bunge na Uratibu) tarehe 26 Juni, 2025.
Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Deus Clement Sangu (Mb) aliyesimama mbele akipata maelezo kwa namna Ofisi ya Rais, Sekretarieti ya Maadili ya Viongozi wa Umma inavyotekeleza majukumu yake, kutoka kwa Afisa wa ofisi hiyo Bi. Desderia Haule (aliyeshika kipaza sauti), alipotembelea banda la ofisi hiyo katika Maadhimisho ya Wiki ya Utumishi wa Umma yanayofanyika katika viwanja vya Chinangali Park jijini Dodoma tarehe 20 Juni, 2025.
Naibu Waziri wa Uchukuzi Mhe. David Kihenzile (Mb) aliyesimama kulia akipata maelezo kuhusu majukumu ya Ofisi ya Rais, Sekretarieti ya Maadili ya Viongozi wa Umma kutoka kwa Afisa wa ofisi hiyo Bi. Desderia Haule (wa kwanza kushoto), alipotembelea banda la ofisi hiyo katika Maadhimisho ya Wiki ya Utumishi wa Umma yanayofanyika katika viwanja vya Chinangali Park jijini Dodoma tarehe 19 Juni, 2025.
Katibu Mkuu Ofisi ya Rais, Menejimenti ya Utumishi wa Umma na Utawala Bora, Bw. Juma Mkomi akisaini kitabu cha wageni katika banda la Ofisi ya Rais, Sekretarieti ya Maadili ya Viongozi wa Umma katika Maadhimisho ya Wiki ya Utumishi wa Umma yanayofanyika katika viwanja vya Chinangali Park jijini Dodoma tarehe 18 Juni, 2025.
Afisa kutoka Ofisi ya Rais, Sekretarieti ya Maadili ya Viongozi wa Umma Bi. Desderia Haule akielezea majukumu ya ofisi hiyo kwa Dkt. Adolar Duwe ambaye ni Meneja wa Usimamizi wa Rasilimaliwatu na Utawala kutoka Mamlaka ya Udhibiti wa Huduma za Nishati na Maji (EWURA) alipotembelea banda la ofisi hiyo kwenye Maadhimisho ya Wiki ya Utumishi wa Umma yanayofanyika katika viwanja vya Chinangali Park jijini Dodoma tarehe 16 Juni, 2025.
Mwenyekiti wa Baraza la Maadili, Mhe. Jaji (Mst.) Rose Teemba akimkabidhi Tuzo Bw. Peter Ilomo mjumbe wa Baraza la Maadili aliyemaliza muda wake wa kulitumikia Baraza. Tukio hilo limefanyika katika ukumbi wa Ofisi ya Rais, Sekretarieti ya Maadili ya Viongozi wa Umma tarehe 16 Juni, 2025 jijini Dodoma.
Highlights
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika." >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara." >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo." >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa." >