KISWAHILI
ENGLISH
JAMHURI YA MUUNGANO WA TANZANIA
OFISI YA RAIS – SEKRETARIETI YA MAADILI YA VIONGOZI WA UMMA
Wadau wa masuala ya maadili wakiwa katika mdahalo kuhusu changamoto za kimaadili kwa Wanafunzi katika shule za msingi na sekondari. Mdahalo huo umefanyika katika Halmashauri ya Wilaya ya Meru mkoani Arusha tarehe 26 Agosti, 2025.
Bw. Gerald Mwaitebele Katibu Msaidizi Ofisi ya Rais, Sekretarieti ya Maadili ya Viongozi wa Umma Kanda ya Kaskazini-Arusha akifungua Mdahalo kuhusu changamoto za kimaaadili kwa Wanafunzi na ufumbuzi wake. Mdahalo huo umefanyika katika Halmashauri ya Wilaya ya Meru mkoani Arusha tarehe 26 Agosti,2025 kwa kuwashirikisha wadau mbalimbali.
Mwenyekiti na Wajumbe wa Bodi ya Mamlaka ya Maendeleo ya Biashara (Tan Trade) wakila Kiapo cha Ahadi ya Uadilifu kwenye uzinduzi wa Bodi hiyo katika ukumbi wa Kilimanjaro uliopo uwanja wa Mwl. J.K Nyerere jijini Dar es Salaam tarehe 22 Agosti, 2025.
Mkurugenzi Mkuu wa Bodi ya Tumbaku Tanzania (TTB) Bw. Stanley Mnozya akifungua mafunzo kuhusu Sheria ya Maadili kwa Watumishi wa Bodi hiyo (hawapo pichani) katika ukumbi wa mikutano wa Nyerere uliopo hoteli ya Gold Crest jijini Mwanza tarehe 14 Agost, 2025.
Katibu Msaidizi, Ofisi ya Rais, Sekretarieti ya Maadili ya Viongozi wa Umma Bw. Fabian Pokela akitoa mada kuhusu Sheria ya Maadili kwa Watumishi wa Bodi ya Tumbaku Tanzania (hawapo pichani) katika mafunzo yaliyofanyika kwenye ukumbi wa mikutano wa Nyerere uliopo hoteli ya Gold Crest jijini Mwanza tarehe 14 Agosti, 2025
Makamu Mwanyekiti wa Tume ya Haki za Binadamu na Utawala Bora (THBUB) Mhe. Mohamed Khamis Hamad akipata maelezo kutoka kwa Katibu Msaidizi Idara ya Ukuzaji Maadili Ofisi ya Rais, Sekretarieti ya Maadili ya Viongozi wa Umma Bw. Salvatory Kilasara, alipotembelea banda la ofisi hiyo kwenye Maonesho ya Nanenane viwanja vya Nzuguni jijini Dodoma tarehe 7 Agosti, 2025.
Mkurugenzi Mkuu wa Mamlaka ya Mawasiliano Tanzania (TCRA) Dkt. Jabiri Bakari akisaini kitabu cha wageni alipotembelea Banda la Ofisi ya Rais, Sekretarieti ya Maadili ya Viongozi ya Umma katika Maonesho ya Sikukuu ya wakulima Nanenane tarehe 5 Agosti, 2025 yanayofanyika kitaifa jijini Dodoma.
Mkuu wa Wilaya ya Manyoni Mhe. Dkt. Vicent Mashinji akipata maelezo kutoka kwa Katibu Msaidizi Idara ya Ukuzaji Maadili Ofisi ya Rais, Sekretarieti ya Maadili ya Viongozi wa Umma Bw. Salvatory Kilasara alipotembelea banda la ofisi hiyo kwenye Maonesho ya Nananane yanayoendelea katika viwanja vya Nzuguni tarehe 4 Agosti, 2025.
Katibu Msaidizi Ofisi ya Rais, Sekretarieti ya Maadili ya Viongozi wa Umma Kanda ya Kati Dodoma Bi. Jasmin Awadhi akitoa elimu ya Maadili kwa Wananchi waliotembelea banda la ofisi hiyo katika Maonesho ya Sikukuu ya Wakulima (Nanenane) yanayofanyika katika viwanja vya Nzuguni jijini Dodoma tarehe 3 Agosti, 2025.
Afisa Maadili kutoka Ofisi ya Rais, Sekretarieti ya Maadili ya Viongozi wa Umma Bw. Christian Kapere akielezea majukumu ya ofisi hiyo kwa wananchi waliotembelea banda la ofisi hiyo katika maonesho ya Sikukuu ya Wakulima (Nanenane) yanayofanyika katika viwanja vya Nzuguni jijini Dodoma tarehe 02 Agosti, 2025.
Highlights
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika." >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara." >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo." >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa." >