Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. WATUMISHI WAPYA WA S...
WATUMISHI WAPYA WA SEKRETARIETI YA MAADILI YA VIONGOZI WA UMMA WAPEWA MAFUNZO KUHUSU UTUMISHI WA UMMA.
11 Nov, 2024
WATUMISHI WAPYA WA SEKRETARIETI YA MAADILI YA VIONGOZI WA UMMA WAPEWA MAFUNZO KUHUSU UTUMISHI WA UMMA.

Watumishi wapya walioajiriwa Sekretarieti ya Maadili ya Viongozi wa Umma na wale waliohamia kutoka katika Taasisi nyingine wametakiwa kufanya kazi kwa kuzingatia kanuni, Sheria, taratibu na miongozo inayoongoza utumishi wa Umma kwa uadilifu na pia kwa kutumia ubunifu unaoendana na mabadiliko ya matumizi ya TEHAMA ili kufikia malengo ya Taasisi na Serikali kwa ujumla.

Kauli hiyo imetolewa na Kamishna wa Maadili Mhe, Jaji (Mstahiki) Sivangilwa Mwangesi alipokuwa akifungua mafunzo kwa watumishi hao, yaliyofanyika tarehe 11 Novemba 2024 katika ukumbi wa ofisi za Sekretarieti ya Maadili ya Viongozi wa Umma Makao makuu Dodoma.

Mhe, Mwangesi katika hotuba yake alifafanua kuwa, Serikali imeweka kanuni na miongozo ili watumishi waweze kuhudumia wananchi kwa utaratibu, uaminifu, usawa, haki na uwazi, hivyo, “mkiwa watumishi wa umma mna jukumu la kuzingatia kanuni hizo katika utendaji wenu wa kila siku.”

Aidha, Mhe. Mwangesi  alibainisha kuwa, kutokana na unyeti wa taarifa zinazoshughulikiwa na Sekretarieti ya Maadili ya Viongozi wa Umma, kila siku, suala la usalama wa taarifa ni jambo la msingi ambalo halina mbadala wala mzaha kulizingatia kwa uadilifu na umakini wa hali ya juu.

Mhe. Mwangesi  katika hotuba yake  aliwataka washiriki wa mafunzo hayo kuzingatia maarifa, elimu na maelekezo watakayopatiwa kutokana na umuhimu wake kuwa ndiyo mwongozo wa utendaji kazi katika utumishi wa umma.

Mafunzo hayo ya siku tatu yalitolewa na wakufunzi kutoka  Chuo cha Utumishi wa Umma, Ofisi ya Rais Idara ya kumbukumbu na Nyaraka za Taifa  

 

Habari
10 Dec 2024 | news
Watumishi wa Umma watakiwa kukemea vitendo vya ufunjifu wa Haki za Binadamu.
05 Dec 2024 | news
Simbachawene azindua wiki ya maadhimisho ya siku ya Maadili na Haki za Binadamu kitaifa.
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >