Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. Watumishi wa Sekreta...
Watumishi wa Sekretarieti ya Maadili Ya Viongozi wa Umma wametakiwa kuwajibika katika kutimiza majukumu yao.
27 Oct, 2023
Watumishi wa Sekretarieti ya Maadili Ya Viongozi wa Umma wametakiwa kuwajibika katika kutimiza majukumu yao.

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe, Jenista Mhagama ametoa wito kwa watumishi wa Sekretarieti ya Maadili ya Viongozi wa Umma kutekeleza jukumu lao la msingi la kikatiba la kufuatilia tabia na mienendo ya viongozi, kwa weledi, umakini, busara, na kwa uadilifu wa hali ya juu.

Mheshimiwa Mhagama ametoa kauli hiyo, katika Mkuatano wa Baraza la Wafanyakazi wa Sekretarieti ya Maadili ya Viongozi wa Umma uliofanyika tarehe 24 mwezi Machi 2023, katika ukumbi wa ofisi ya Mkuu wa mkoa wa Dodoma.

Aidha, Mheshimiwa Mhagama katika hotuba yake alisema,” mnaposikiliza malalamiko ya wananchi dhidi ya viongozi wa umma na myafanyie kazi kwa uadilifu wa hali ya juu,” alisisitiza.

Mheshimiwa Mhagama alibainisha kuwa,wapo baadhi ya viongozi wa umma wanaojihusisha na vitendo vya mgongano wa maslahi wanapotimiza majukumu yao na wapo wengine ambao wanakinzana na wenzao hasa katika halmashauri zetu, hivyo Sekretarieti haina budi kufuatilia kwa karibu vitendo hivyo.

Mhe, Mhagama aliongeza kuwa, Sekretarieti ya Maadili ya viongozi wa umma inatakiwa kutoa elimu ya maadili kila inapopata nafasi ili dhana ya uadilifu na utawala bora ieleweke vizuri kwa viongozi na wananchi.

Amewataka watumishi wa Sekretarieti kutumia mbinu za uchunguzi kufuatilia kwa ukaribu viongozi wanaojihusisha na vitendo vya ukiukwaji wa maadili ikiwemo rushwa na mgongano wa maslahi ili haki iweze kutamalaki na kwale watakaobainika kukengeuka misingi ya maadili na utawala bora, taratibu na sheria za nchi zichukue mkondo wake.

Awali, Kamishna wa Maadili Mhe, Jaji Sivangilwa Mwangesi katika hotuba yake alifafanua kuwa, kikao hiki cha Baraza la wafanyakazi ni utekelezaji wa Waraka wa Rais namba 1 wa mwaka 1970 wenye maelekezo mahsusi kwa Taasisi za umma kuwa na mabaraza ya wafanyakazi kwa lengo la kuleta tija na ufanisi mahala pa kazi.

Mhe, Kamishna aliongeza kuwa, katika mkutano huu lengo ni kupata mawasilisho ya namna shughuli za Taasisi zilivyotekelezwana wajumbe kupata fursa ya kujadili na kutoa maoni kwa lengo la kuijenga Taasisi.

Mhe, Mwangesi alifafanua kuwa , pamoja na changamoto ambazo Taasisi inakabiliana nazo lakini bado kwa kutumia raslimali zilizopo Taasisi inatekeleza majukumu yake kwaweledi, uadilifu na ufanisi mkubwa na kutoa mchango wetu katika ustawi wa Taifa letu.

Katika hotuba yake Mhe, Mwangesi amewataka watumishi wote kutekeleza majukumu ya Taasisi tuliyokabidhiwa kisheria bila kupoteza uelekeo ili kufikia Dira yetu ya “Kuwa Taasisi yenye Ufanisi na Kuaminika katika kukuza na Kusimamia Misingi ya Maadili ya Viongozi wa Umma” na kwamba hilo linawezekana kwa kuwa tutaendelea kuwa waaminifu, waadilifu, wawajibikaji kwa kuzingatia Sheria, Kanuni na Taratibu.

Habari
22 Mar 2024 | news
WATUMISHI WA SEKRETARIETI YA MAADILI WAMETAKIWA KUTUMIA TEKNOLOJIA KATIKA KUTEKELEZA MAJUKUMU YAO.
18 Mar 2024 | news
Mhe. SIMBACHAWENE: SEKRETARIETI YA MAADILI NENDENI MKASIKILIZE MALALAMIKO YA WANANCHI.
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >