Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. Watumishi Sekretarie...
Watumishi Sekretarieti ya Maadili watakiwa kuwa waadilifu wanapotekeleza majukumu.
16 Oct, 2025
Watumishi Sekretarieti ya Maadili watakiwa kuwa waadilifu wanapotekeleza majukumu.

Kamishna wa Maadili nchini Mhe. Jaji (Stahiki) Sivangilwa Mwangesi ametoa wito kwa watumishi wa Ofisi ya Rais, Sekretarieti ya Maadili ya Viongozi wa Umma kufanya kazi kwa kutegemeana na kushirikiana kwa maendeleo ya Taasisi na Taifa kwa ujumla.

Mhe. Mwangesi ametoa rai hiyo mjini Moshi mkoani Kilimanjaro wakati akifungua kikao cha Baraza la Wafanyakazi wa Ofisi ya Rais, Sekretarieti ya Maadili ya Viongozi wa Umma katika ukumbi wa mikutano wa Halmashauri ya Manispaa ya Moshi tarehe 16 Oktoba, 2025.

“Baraza hili ni jukwaa muhimu la kuimarisha ushirikiano baina yetu na ndio sehemu nzuri ya kujadiliana kwa uwazi kuhusu mafanikio, changamoto na mikakati ya pamoja ya kuboresha utendaji kazi wetu na njia pekee ya kufanikisha hili ni kufanya kazi kwa ushirikiano wa dhati,” alisema Jaji Mwangesi.

Aidha Mhe. Mwangesi amewakumbusha watumishi kuendelea kutekeleza majukumu kwa weledi na uadilifu wa kiwango cha juu kwa maslahi mapana ya Taifa.

“Ni vyema tukumbuke kuwa tumepewa dhamana ya kusimamia uadilifu nchini na sisi ndio taswira ya Taifa linapokuja suala la kusimamia maadili na uadilifu kwa Viongozi wa Umma nchini, hivyo ni vyema sisi wenyewe tuwe waadilifu wakati wa utendaji wetu,” alisisitiza.

Pia Mhe. Mwangesi ametumia kikao hicho kuwakumbusha watumishi wa ofisi hiyo umuhimu wa nidhamu, uwajibikaji, weledi na uaminifu katika kutekeleza majukumu yao ya kila siku kwa maslahi mapana ya Taasisi na Taifa kwa ujumla.

Baraza hilo linafanyika kwa siku mbili na linajadili mambo mbalimbali ikiwemo Taarifa ya Utekelezaji wa majukumu kwa mwaka wa fedha 2024/25, mafanikio ya Taasisi, changamoto pamoja na utekelezaji wa matumizi ya bajeti ya mwaka 2025/26.

 

Habari
05 Dec 2025 | news
Wazazi, Walezi na Walimu watakiwa kukemea vitendo vya ukatili kwa Watoto Nchini
26 Nov 2025 | news
SEKRETARIETI YA MAADILI YA VIONGOZI WA UMMA YATAKIWA KUTUMIA MBINU ZA KISASA ZA UCHUNGUZI WA MALALAM...
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >