Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. WALIMU WALEZI WA KLA...
WALIMU WALEZI WA KLABU ZA MAADILI JIJINI ARUSHA WAPEWA MAFUNZO YA MAADILI:
27 Aug, 2024
WALIMU WALEZI WA KLABU ZA MAADILI JIJINI ARUSHA WAPEWA MAFUNZO YA MAADILI:

Katibu Tawala mkoa wa Arusha Bw. Massaile Mussa  amezitaka shule zote za msingi, sekondari na vyuo mkoani humo kufungua klabu za maadili kwa kushirikiana na Ofisi ya Rais,Sekretarieti ya Maadili ya Viongozi wa Umma kanda ya Kaskazini ili kuwajengea  wanafunzi misingi ya maadili , uzalendo na moyo wa kupenda nchi yao tangu wakiwa ngazi ya chini.

Kauli hiyo, imetolewa na Katibu tawala wa mkoa wa Arusha alipokuwa akifungua mafunzo ya walimu walezi wa Klabu za maadili mkoani humo yaliyofanyika katika ukumbi wa shule ya sekondari Arusha tarehe 26 Agosti 2024.

’’Lengo kuu la kuanzishwa kwa  klabu hizi ni kuwa ngazi muhimu za kuelekea kwenye kiwango cha juu cha uadilifu kwanim tabia na mwenendo mwema uanzia chini kama msemo usemao mtoto umleavyo ndivyo akuavyo’’ alisema.

Ameongeza kuwa, Maadili yatasaidia kukuza maendeleo ya mkoa na kuongeza kiwango cha ufaulu kwa wanafunzi mkoani Arusha na pia klabu hizi zitasaidia kupunguza utoro shuleni, mimba za utotoni na vitendo viovu kwa watoto wetu.

Awali akiwakaribisha walimu walezi wa klabu hizo Katibu Msaidizi kanda ya Kaskazini Arusha Bw, Gerald Mwaitebele alieleza kuwa lengo la mafunzo hayo ni kuwajengea uwezo walezi wa klabu za maadili jinsi ya kufungua na kuendeleza Klabu za maadili katika maeneo yao ya kazi na kuwalea wanafunzi hao katika misingi ya maadili mema.

Mada zilizojadiliwa katika mafunzo hayo ni pamoja na Sheria ya maadili ya viongozi wa Umma, Majukumu ya Sekretarieti ya Maadili ya Viongozi wa Umma, Misingi ya Maadili katika sekta ya Umma na Mwongozo wa ufunguaji na uendeshaji wa kalabu za Maadili.

Mafunzo hayo, yaliwashirikisha jumla ya walimu walezi zaidi ya 50 kutoka katika shule za msingi, sekondari na vyuo vilivyopo Jijini Arusha.

 

Habari
23 Sep 2024 | news
Jaji (Mst.) Mwangesi: Hauwezi kuwa mwangalizi wa maadili ya watu wengine kama wewe huna maadili.
05 Sep 2024 | news
Viongozi wa Halmashauri ya Mpwawa waaswa kufanya kazi kwa kushirikiana
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >