Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. Viongozi wa Umma wam...
Viongozi wa Umma wametakiwa kujiepusha na Mgongano wa Maslahi
27 Oct, 2023
Viongozi wa Umma wametakiwa kujiepusha na Mgongano wa Maslahi

Viongozi wa Umma wametakiwa kujiepusha na Mgongano wa Maslahi katika kutekeleza majukumu yao ya kila siku ili kujenga Imani kwa wananchi wanaowaongoza na Serikali kwa ujumla.

Kauli hiyo imetolewa na Mkuu wa Wilaya ya Mtwara, Mhe. Mwanahamisi Munkunda, alipokuwa akifungua mafunzo ya Maadili kwa Viongozi wa Mkoa wa Mtwara yaliyofanyika katika Ukumbi wa Ofisi ya Sekretarieti ya Maadili ya Viongozi wa Umma, Kanda ya Kusini – Mtwara, tarehe 26 Oktoba 2023.

Mkuu huyo wa Wilaya katika hotuba yake aliongeza kuwa, kiongozi wa Umma anatakiwa kutenda haki kwa kuzingatia Sheria, Kanuni na Taratibu za Umma kwa wananchi anaowaongoza ili kuondoa kero mbali mbali katika maeneo yao ili kujenga Imani ya wananchi kwa Serikali yao.

Mhe. Munkunda alisisitiza kuwa, Viongozi wana wajibu wa kuzingatia Maadili katika kutimiza wajibu wao ili kukidhi mahitaji ya wanannchi mnawaongoza kwa kuhakikisha kuwa misingi, kanuni na taratibu za Serikali zinafuatwa bila ubaguzi na upendeleo wa aina yoyote.

Mhe, Munkunda alibainisha kuwa kiongozi Muadilifu na muwajibikaji anatakiwa kutumia Mali za Umma kwa umakini mkubwa na pia kwa maslahi mapana ya Taifa na wala si vinginevyo.

Aidha, katika hotuba yake pia amefafanua kuwa, Kiongozi wa Umma anatakiwa kutumia cheo chake kwa kutekeleza majukumu yake ya kila siku kwa weledi na uaminifu wa hali ya juu ili kuleta tija kwa wananchi anawaongoza.

Awali akimkaribisha Mgeni Rasmi, Katibu - Idara ya Ukuzaji Maadili, Ofisi ya Rais, Sekretarieti ya Maadili ya Viongozi wa Umma, Bw. Waziri Kipacha aliwaasa washiriki wa mafunzo hayo kuzingatia yote watakayofundishwa ili kuleta ufanisi katika utendaji wao wa kila siku katika maeneo yao ya kazi.

Mafunzo hayo yamewashirikisha Viongozi kutoka katika Idara, Taasisi na Mashirika mbali mbali ya Mkoa wa Mtwara.

Habari
10 Dec 2024 | news
Watumishi wa Umma watakiwa kukemea vitendo vya ufunjifu wa Haki za Binadamu.
05 Dec 2024 | news
Simbachawene azindua wiki ya maadhimisho ya siku ya Maadili na Haki za Binadamu kitaifa.
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >