Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

PO-ETHICS SECRETARIAT Logo
  1. Home
  2. Habari
  3. Ujumbe kutoka Tume y...
Ujumbe kutoka Tume ya Maadili Zanzibar
07 Oct, 2026
Ujumbe kutoka Tume ya Maadili Zanzibar

Ujumbe kutoka Tume ya Maadili ya Viongozi wa Umma Zanzibar wafanya ziara Sekretarieti ya Maadili

Ujumbe kutoka Tume ya Maadili ya Viongozi wa Umma Zanzibar ukiongozwa na Mwenyekiti wa Tume hiyo  Mhe. Balozi Dkt. Mahadh Juma Maalim wafanya ziara ya kikazi katika Ofisi za Sekretarieti ya Maadili ya Viongozi wa Umma makao makuu Dodoma tarehe 07 Oktoba,2026..

Akizungumza katika ziara hiyo   Mwenyekiti wa Tume hiyo alisema kuwa lengo la ziara hiyo ni kubadilishana uzoefu wa namna ya utendaji kazi kwa Taasisi hizo mbili kwani zinatekeleza majukumu sawa na  yanayofanana.

“Tumekuja kujitambulisha kwenu , kujifunza na kubadilishana uzoefu katika utendaji kazi wetu kwani sote tunatekeleza majukumu mamoja na lengo kuu has ani kuendelea kukuza ushirikiano wetu ambao umekuwepo kwa muda mrefu” alisema.

Aidha, Balozi katika hotuba yake alifafanua kuwa  kumekuwepo  na makubaliano ya ushirikiano wa pamoja katika Nyanja mbalimbali kati ya Taasisi hizo mbili  lakini makubaliano mengi hayajatekelezwa  hivyo ni wakati  muafaka  wa kuyatekeleza ili kuleta tija  kwa serikali na kwa wananchi kwa ujumla.

“Niwaahidi kushirikiana nanyi kwa karibuna tusiridhike na makubaliano tuliyoyaandika tuu bali sisi kama viongozi tuwe na utashi na utayari wa kuyatekeleza kwa vitendo ili kuiimarisha  ushirikiano huu” alisema.

Awali akimkaribisha Mwenyekiti wa Tume hiyo Kamishna wa Maadili Mhe. Jaji (Stahiki) Sivangilwa Mwangesi aliwashukuru wajumbe hao kwa ziara hiyo  ambapo pia aliyataja baadhi ya Majukumu yanayotekelezwa na Sekretarieti ya Maadili ya Viongozi  wa Umma ambayo ni pamoja na kupokea matamko ya rasilimali na madeni yanayotakiwa kutolewa na Viongozi wa Umma , kupokea taarifa na tuhuma za ukiukwaji wa Sheria, kuchunguza tuhuma za ukiukwaji wa Sheria, kufanya uhakiki wa matamko yaliyotolewa kwa mujibu wa Sheria, kuanzisha na kufanya uchunguzi wowote wa tuhuma za ukiukwaji wa maadili yaliyobainishwa na Sheria,kutoa elimu ya maadili kwa Viongozi wa Umma, nakadhalika.

Ziara hiyo iliwakutanisha wajumbe wa Menejimenti ya Sekretarieti ya Maadili ya Viongozi wa Umma ambao pia ni wakuu wa idara na vitengo ambao walipata fursa ya kuchangia masuala mbalimbali ya kuimarisha ushirikiano huo wa Taasisi hizo mbili katika utekelezaji wa makukumu yao.

 

 

 

 

 

Habari
07 Oct 2026 | news
Ujumbe kutoka Tume ya Maadili Zanzibar
20 May 2026 | news
Klabu za Maadili zatajwa kichocheo cha taaluma na nidhamu Hanang
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >