Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. Sheria ya Maadili ya...
Sheria ya Maadili ya Viongozi wa Umma kurekebishwa.
27 Oct, 2023
Sheria ya Maadili ya Viongozi wa Umma kurekebishwa.

Sekretarieti ya Maadili ya Viongozi wa Umma imeanza mchakato wa kufanya marekebisho ya Sheria ya Maadili ya Viongozi wa Umma Namba 13 ya mwaka 1995 kwa lengo la kuboresha kifungu cha 4 chenye orodha ya Viongozi wanaowajibika na Sheria ya Maadili ya Viongozi wa umma.

Akifungua kikao kazi cha kujadili mchakato wa kurekebisha sheria hiyo kwa niaba ya Kamishna wa Maadili Katibu Msaidizi Idara ya Ukuzaji Maadili Sekretarieti ya Maadili Bw. Fabian Pokela alisema kuwa kikao kazi hicho kina jukumu kubwa la kufanya marekebisho ya Sheria hiyo hususan kifungu cha 4 ambacho kina orodha ya Viongozi wanaohusika na Sheria ya Maadili ya Viongozi wa Umma.

Bw. Pokela aliongeza kuwa dhumuni kubwa la kubadili sheria hiyo hususan kifungu cha 4 chenye orodha ya Viongozi wanaohusika na sheria ya Maadili ni baada ya kubaini kuwa wapo watumishi kutoka Taasisi mbalimbali za Umma na binafsi ambao ni Viongozi lakini hawajatajwa na Sheria hiyo jambo linalowafanya kutohusika kabisa na sheria hiyo

Aidha Bw, Pokela aliendelea kusema kuwa zipo pia nafasi ama nyadhifa mbalimbali ambazo zinaonekana wazi kuwa hatarishi kwa kukiuka maadili hivyo imeonekana kuwa watatakiwa kumulikwa vizurizaidi na Sheria ya Maadili ili waweze kusimamiwa katika utendaji kazi wao .

“Ni lazima nafasi hizi ziangaliwe kwa makini kwanizipo nyadhifa ambazo inaonekana wazi kabisa kwamba kiongozi husika katika utendaji wake wa kazi kwa namna moja ama nyingine anaweza kukiuka moja ya kanuni ama misingi ya Maadili ya Viongozi wa Umma hivyo ni lazima waongezwe kwenye Sheria ya Maadili ili waweze kumulikwa vizuri” alisema.

Bw. Pokela alieleza kuwamwenye mamlaka ya kubadili sheria yoyote ni Rais wa Jamahuri ya Muungano wa Tanzania hivyo kikao kazi hicho ni cha muhimu kwani kinafanya kazi kwa niaba ya Rais hivyo ni lazima yapatikane mapendekezo yenye tija yatakayosaidia kupatikana kwa orodha kamili ya Viongozi watakaohusika na sheria hiyo ili kuboresha uwajibikaji wa Viongozi kwa pamoja.

Awali akimkaribisha Katibu, Mkuu wa Kitengo cha Huduma za Sheria Bi. Emma Gelani alisema kuwa Lengo la kufanya maboresho ya Sheria ya Maadili ni kuongeza idadi ya viongozi wanaohusika na Sheria hiyo ili kuongeza wigo wa uwajibikaji wa viongozi katika sheria hiyo.

Aidha Bi. Emma alieleza kuwa washiriki wa kikao kazi hicho ni kutoka, Ofisi ya Rais Ikulu, Ofisi ya Rais Menejimenti yaUtumishi wa Umma na Utawala Bora, Ofisi ya Rais, Sekretarieti ya Maadili ya Viongozi wa Umma, Ofisi ya Mwanasheria Mkuu wa Serikali pamoja na Ofisi yaMsajili wa hazina.

Toka kuanzishwa kwa Sheria ya Maadili ya Viongozi wa Umma mnamo mwaka 1995, Sheria hiyo imepitia vipindi kadhaavya maboresho ambapo mwaka 2001 yalifanyika maboreshovivyo hivyo mwaka 2005 na maboresho ya mwishoyalifanyika mwaka 2013.

Kikao kazi hicho kilifanyika katika ukumbi wa Edema mkoani Morogoro kuanzia tarehe 31 Januari, 2023 hadi tarehe 03 Februari,2023.

Habari
30 Apr 2025 | news
Fuateni Suluhu ya Viatarishi kuepuka Madhara kwenye Taasisi.
30 Apr 2025 | news
Sekretarieti ya Maadili yafungua Klabu za Maadili wilayani Manyoni
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >