Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

PO-ETHICS SECRETARIAT Logo
  1. Home
  2. Habari
  3. RC MWANZA AWATAKA VI...
RC MWANZA AWATAKA VIONGOZI MKOANI HUMO KUFANYA KAZI KWA UADILIFU
26 Feb, 2026
RC MWANZA AWATAKA VIONGOZI MKOANI HUMO KUFANYA KAZI KWA UADILIFU

Katika kuboresha utendaji kazi na kuleta matokeo chanya katika utoaji wa huduma kwa wananchi, Viongozi na watumishi mkoani Mwanza wametakiwa kufanya kazi kwa kuzingatia maadili,weledi,uwajibkaji wa pamoja na uaminifu wakati wa utekelezaji wa majukumu yao.

Wito huo wenye lengo la kuhakikisha kuwa rasilimali za umma zinatumika kwa malengo yaliyokusudiwa na kuimarisha imani ya wananchi kwa Viongozi wao umetolewa tarehe 26 Februari, 2026 jijini Mwanza na Mkuu wa Mkoa huo Mhe. Said Mtanda wakati akifungua mafunzo ya maadili kwa Viongozi wa Mkoa huo yaliyoandaliwa na Sekretarieti ya Maadili ya Viongozi wa Umma Kanda ya Ziwa-Mwanza.

“Mafunzo haya ni nyenzo katika kuhakikisha  kunakuwa na utamaduni wa uadilifu, hofu na haki katika kufanya maamuzi, kwani maadili ndio uti wa mgongo katika kuleta maendeleo ya Mkoa wetu na Taifa kwa ujumla,”alisema.

Mhe. Mtanda ameongeza kuwa Kiongozi muadilifu anatakiwa kufanya kazi kwa kuzingatia Sheria, kanuni na taratibu zilizowekwa kwani zitasaidia katika kumuweka salama akiwa katika utumishi wake na ata akiwa amestaafu huku akiwaomba Viongozi hao kuendelea kujaza Tamko la Rasilimali na Madeni ambalo kwa sasa linafanyika kidijitali.

“Ndugu zangu tujifunze kuwajibika kwa mujibu wa sheria zinavyotaka,kwani hii itatuweka salama wakati tukiwa ofisini na ata tukishastaafu utumishi wetu na pia tujaze Tamko la Rasilimali na Madeni kwa uwazi, ukweli bila kuficha chochote hiko ni kitu muhimu sana,”alisema Mhe. Mtanda.

Awali akitoa neno la utangulizi Katibu Msaidizi Sekretarieti ya Maadili ya Viongozi wa Umma Kanda ya Ziwa-Mwanza Bw. Godson Kweka amesema kuwa lengo kuu la mafunzo hayo ni kuwakumbusha Viongozi wa Umma mkoani humo kuendelea kufanya kazi kwa pamoja, kuzingatia maadili, kuepuka mgongano wa maslahi  na kuendelea kutoa Tamko la Rasilimali na Madeni kwa wakati kwani Mwanza ni kati ya Mkoa ambao Viongozi wake wanajitaidi katika kujaza fomu hizo kwa wakati na kwa idadi kubwa.

“Tunasisitiza katika kufanya kazi kwa pamoja, kutanguliza mbele maslahi ya umma kwa ustawi wa Mkoa na Taifa kwa ujumla na pia kuendelea kujaza Tamko la Rasilimali na Madeni kwa wakati maana lipo Kikatiba kwa Kiongozi  wa Umma kutamka mali zake,”alisema Bw. Kweka.

Mafunzo hayo yamewashirikisha Viongozi mbali mbali wa Mkoa wa Mwanza ambao ni Wakurugenzi wa Halmashauri, Wakuu wa Taasisi, Wakuu wa Idara na Vitengo, Wakuu wa Wilaya, Madiwani, Kamati ya ulinzi na usalama ya Mkoa pamoja na Makatibu Tawala.

Habari
26 Feb 2026 | news
RC MWANZA AWATAKA VIONGOZI MKOANI HUMO KUFANYA KAZI KWA UADILIFU
20 Feb 2026 | news
Viongozi Geita wasisitizwa matumizi ya ODS katika kujaza Tamko la Rasilimali na Madeni
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >