Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

  1. Home
  2. Habari
  3. MADIWANI WA HALMASH...
MADIWANI WA HALMASHAURI YA CHAMWINO WASISITIZWA UWAJIBIKAJI WA PAMOJA.
10 May, 2024
MADIWANI WA HALMASHAURI YA CHAMWINO WASISITIZWA UWAJIBIKAJI WA PAMOJA.

 Madiwani wa Halmashauri ya wilaya ya Chamwino, wakuu wa Idara na Vitengo pamoja na watumishi wengine wa halmashauri hiyo wametakiwa kufanya kazi kwa uadilifu kwa  kuzingatia uwajibikaji wa pamoja kwa kutimiza wajibu wao ili  kuwaletea wananchi maendeleo,


Wito huo umetolewa na Bi. Jasmini Awadhi, Katibu Msaidizi Kanda ya Kati, Ofisi ya Rais, Sekretarieti ya Maadili ya Viongozi wa Umma wakati akitoa mafunzo maalumu kwa waheshimiwa madiwani na watalamu mbali mbali wa halmashauri hiyo yaliyofanyika katika ukumbi wa Halmashauri ya Chamwino tarehe 8 Mei 2024.

Aidha Bi. Jasmini alifafanua kuwa, panapokuwepo na sintofahamu au kutoelewana kati waheshimiwa madiwani, wakuu wa Idara  pamoja na watalamu waliopo kwenye vijiji na Kata mwisho wa siku anayeumia ni mwananchi na sio Kiongozi na kupelekea maendeleo kuchelewa kuwafikia wananchi kwa wakati.


"Waheshimiwa madiwani mnawajibu wa kuwasimamaia watumishi vizuri, sio kila mtumishi mnaona ni mwizi zingatieni ushauri wanaowapa watalamu, hivyo hivyo kwa watalamu sio kila ushauri unaotolewa na Diwani mnaona haufaii, hapa kuna madiwani wanataaluma kama zetu hivyo tukae kwa pamoja  tujadili pamoja kwa ajili ya kuchangia maendeleo ya jamii na Taaasisi mnayoingoza" Bi. Jasmini alisema.


Aidha, Bi. Jasmini  amewakumbusha Viongozi kuzingatia  maadili kwa wakati wote wanapokuwepo ofisini au nje ya ofisi, katika kusimamia matumizi sahihi ya  fedha za Umma ambapo amewataka madiwani hao pia  kujiepusha na mgongano wa maslahi wakati wa utekelezaji wa miradi mbali mbali wanayoisimamia katika halmashauri zao.


Naye mwenyekiti wa Halmashauri ya Chamwino, Mhe. Edson Sweti ameishukuru Sekretarieti ya Maadili ya Viongozi wa Umma kwa kutoa elimu ya Maadili  kwa madiwani pamoja na watalamu wengine wa halmashauri hiyo  kwa masilahi ya wananchi wanaowaongoza, na ameongeza kuwa, kupitia mafunzo hayo madiwani hao watafanya kazi kwa ushirikiano na uadilifu mkubwa kwa maslahi mapana ya umma na Taifa kwa ujumla.

Mafunzo hayo yaliwajumuisha waheshimiwa madiwani wa halmashauri ya Chamwino, Wakuu wa idara na vitengo pamoja na wataalamu mbalimbali wa halmashauri hiyo ambapo Mada mbili  zilijadiliwa katika mafunzo hayo ambazo ni Mgongano wa Maslahi pamoja na Uwajibikaji wa pamoja.

 

Habari
23 Sep 2024 | news
Jaji (Mst.) Mwangesi: Hauwezi kuwa mwangalizi wa maadili ya watu wengine kama wewe huna maadili.
05 Sep 2024 | news
Viongozi wa Halmashauri ya Mpwawa waaswa kufanya kazi kwa kushirikiana
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >