Tanzania emblem
JAMHURI YA MUUNGANO WA TANZANIA

OFISI YA RAIS – SEKRETARIETI YA MAADILI YA VIONGOZI WA UMMA

PO-ETHICS SECRETARIAT Logo
  1. Home
  2. Habari
  3. Wito watolewa kwa wa...
Wito watolewa kwa watumishi Sekretarieti ya Maadili ya Viongozi wa Umma kuzingatia weledi, uadilifu na ushirikiano
22 Oct, 2026
Wito watolewa kwa watumishi Sekretarieti ya Maadili ya Viongozi wa Umma kuzingatia weledi, uadilifu na ushirikiano

Kamishna wa Maadili, Mhe. Jaji (Stahiki) Sivangilwa Mwangesi, amewataka watumishi wa Ofisi ya Rais, Sekretarieti ya Maadili ya Viongozi wa Umma kutekeleza majukumu yao kwa weledi, uadilifu, bidii na ushirikiano ili kuiwezesha Serikali kutekeleza majukumu yake pamoja na kufikia malengo ya Taasisi.

Mhe. Mwangesi ametoa rai hiyo wakati akifungua mkutano wa Baraza la Wafanyakazi wa Sekretarieti ya Maadili ya Viongozi wa Umma uliofanyika katika ukumbi wa mikutano wa Hoteli ya Royal Tughimbe jijini Mbeya, Oktoba 22, 2026.

Katika hotuba yake, Mhe. Mwangesi amesisitiza kuwa kila mtumishi anapaswa kutekeleza majukumu yake kwa kuzingatia sheria, kanuni na taratibu za utumishi wa umma, huku akiepuka uzembe, uvivu na mazoea yanayoweza kukwamisha utekelezaji wa majukumu ya Serikali.

“Tumepata dhamana ya kuiwezesha Serikali kutekeleza majukumu yake, hivyo rai yangu kwenu ni kuendelea kutekeleza majukumu mliyonayo kwa weledi na uadilifu wa kiwango cha juu, kwa kuzingatia maslahi mapana ya Taifa letu,” alisema Mhe. Mwangesi.

Aidha, Mhe. Mwangesi amesisitiza umuhimu wa kufanya kazi kwa ubunifu, kujituma na kutunza siri za Serikali na kuzingatia kuwa mafanikio ya Taasisi yanategemea mchango wa kila mmoja.

“Katika kutekeleza majukumu yetu ni vyema kuwa wabunifu, wenye kujituma na kuzingatia utunzaji wa siri za Serikali, pamoja na kufuata maelekezo kutoka maeneo mbalimbali kwa mujibu wa sheria, kanuni na taratibu,” alisema Mhe. Mwangesi.

Katika hatua nyingine Mhe. Mwangesi amewataka watumishi wa ofisi hiyo kutumia nafasi zao kikamilifu, kufanya kazi kwa bidii na kushirikiana katika kutekeleza majukumu yao, ili Taasisi hiyo iweze kutimiza dhamana yake kwa Serikali na Taifa kwa ujumla.

Habari
22 Oct 2026 | news
Wito watolewa kwa watumishi Sekretarieti ya Maadili ya Viongozi wa Umma kuzingatia weledi, uadilifu...
07 Oct 2026 | news
Ujumbe kutoka Tume ya Maadili Zanzibar
Habari Matukio
Online Help
Kuanzisha Enzi Mpya katika Udhibiti wa Sekta ya Michezo ya Kubahatisha nchini Tanzania
Ofisi ya maadili inafanya kazi na imewashughulikia viongozi wengi sana kupitia Baraza la Maadili ambalo pia liliendeshwa mwaka 2013 Novemba mkoani Tabora. Viongozi mbalimbali waliokuwa na tuhuma za ukiukaji wa maadili waliitwa kwenye Baraza na kuhojiwa na Baraza linatoa mapendekezo na kuyawasilisha mapendekezo hayo kwa Rais kwa ajili ya hatua zaidi za kinidhamu na kisheria kwa viongozi husika.

" >
Kifungu cha 11(1) cha Sheria ya Maadili kimeainisha wazi mali zinazotakiwa kutajwa kuwa ni fedha taslimu, fedha zilizopo katika taasisi za kifedha kama vile benki, hisa, nyumba, mashamba, magari, mitambo na mali nyinginezo. Kiongozi anatakiwa kutoa tamko la mali anazomiliki yeye mwenyewe, mke/mume na watoto walio chini ya umri wa miaka kumi na nane. Fomu za Tamko la Rasilimali na Madeni zinatakiwa kujazwa kila mwaka na kiongozi hutumiwa fomu hizo na Ofisi ya Maadili na pia zinapatikana katika mtandao wa maadili yaani www.ethicssecretariat.go.tz. Sheria inamtaka kiongozi kutolea tamko madeni yake ili kuweza kujua kuwa kiongozi anamiliki mali zipi na pia kutambua kuwa amezipata vipi mali hizo ukilinganisha na kipato cha kiongozi husika. Kiongozi kuwa na mali nyingi si dhambi kwani hata Katiba ya Jamhuri ya Muungano wa Tanzania imetamka wazi kuwa kila raia ana haki ya kumiliki mali ila ofisi inataka kujiridhisha uhalali wa jinsi mali ilivyopatikana. Mapendekezo katika Katiba mpya yanasisitiza maadili kwa kutenganisha uongozi na biashara.

" >
Wananchi wengi wamejijengea dhana kuwa bila pesa huwezi kupata huduma ya kiserikali kitu ambacho si kweli kwani huduma nyingi za kiserikali zinatolewa bure kabisa ila cha msingi wananchi wanatakiwa kutoa taarifa katika vyombo husika pindi wanapotakiwa kulipia huduma ambazo zinatolewa bure. Jamii inatakiwa kubadilika na kuamini kuwa si lazima kutoa rushwa ndipo upate huduma. Wapo wananchi wengi ambao walileta malalamiko kama hayo na Ofisi ya Maadili iliyashughulikia, hivyo wananchi wasisite kutembelea Ofisi zetu kwa ajili ya kutoa taarifa kama hizo.

" >
Kutoa lugha chafu ni ukiukwaji wa maadili. Ndani ya Bunge kuna Kamati ya Maadili ambayo ipo kwa ajili ya kuwawajibisha wabunge wanaotoa lugha chafu. Sekretarieti ya Maadili ya Viongozi wa Umma kwa upande wake ilifanya semina kwa wabunge ili kuwakumbusha mipaka ya utendaji kazi na maadili kwa ujumla, na tangu wakati huo matumizi ya lugha chafu bungeni yamepungua kwa kiasi kikubwa.

" >